>ERTZek aurkezten du:

SENSXPERIMENT 2008
10. Nazioarteko sorkuntza topaketa
RETROSPECTA 99.08

2008ko urriaren 23tik azaroaren 1era
Lucena (Espainia), Córdoba (Espainia)

ERTZ jaialdiak RETROSPECTA 99_08 izeneko ekitaldian parte hartuko du, hain zuzen SENSXPERIMENT 10. Nazioarteko sorkuntza topaketaren egitarauaren barne.
Lucena eta Córdoba hirietan ospatuko den ekitaldi honek "geldialdi bat egin eta atzera zuzendu nahi du begirada azken 10 urteotan egindako ibilbidea aztertu eta honen inguruan hausnartzeko" eta hortarako penintsula osoko hainbat jaialdi, elkarte, artista eta bertzelako plataforma gonbidatu ditu, denak ere azken hamarkadan soinugintzaren alorrari arreta berezia eskaini diotenak.

ERTZek Retrospecta-ri proposatu eta egingo dituen ekitaldien artean hitzaldiak, soinuzko akzioak, kontzertuak eta ikusentzunezko emanaldiak aurkeztuko dira, azken hauen artean [UN]COMMON SOUNDS dokumentariaren proiekzioa. ERTZen artista gonbidatu modura honako artistek parte hartuko dute: ALEX MENDIZABAL, MARCELLO LIBERATO, IÑIGO TELLETXEA eta XABIER ERKIZIA.

+INFO: www.sensxperiment.es

>ERTZek aurkezten du:

ESKERRIK ASKO!

ERTZ jaialdia antolatzen dugunok zuen laguntza eskertu nahi dizuegu:

Eddie Prévost, John Tilbury, Charles Hayward, Olivier Manchion, Stéphane Garin, Sylvestre Gobart, Maitane Sebastián, Joël Merah, Sylvain Chauveau, Miguel A. García, Elena Aitzkoa, Jean-Luc Guionnet, Iban Urizar, Mikel Etxegarai, Kourgane, Ion Mantzisidor, Mirian, Oier Etxeberria, Iker Arrazola, Fernan Irazoki, Patxi Iñigo, Marga Matxiarena, Ekiñe Larralde, Asier Gogortza, Ibai Gogortza, Igor Telletxea, Xabi Pumar, Mikel Lertxundi, Brendan Walls, Oren Ambarchi, Mattin, Xabier Iriondo, Jon Abril, Josu Iratzoki, Fergus Kelly, Ehareuveni, Lewis Hayward, Txesus Garate, Ima Morillas, Joxe Larrañaga, Catherine Luro, Natalia Barberia, Oier Iruretagoiena, Edorta Izarzugaza, Aitor Izagirre, Xavier Balderas, Maitane Otaegi, Larraitz Mendizuri, Gure Txokoa elkartea, Kaskabell soinua, Berako Musika Eskola, Egia auzoko Hirutxulo musika eskola, Zubiondo jatetxea, Maite Arroitajauregi, Olatz Perez, Joseba Irazoki, Aitor Bengoetxea, Hotel Euskalduna, Romano landetxea, Xabina Larralde, Ras, Jaio, Ttattola gaztetxeko jendea, gure berri eman duzuen komunikabideak eta ekitaldietara etorri zareten guzioi…

argazkia/photo: AMM @ ERTZ08, Asier Gogortza

Ikus ERTZ08ko argazkiak gure argazki galerian: http://www.flickr.com/photos/ertz/

>ERTZek aurkezten du:

ERTZ 08 . 9. Bertze Musiken Jaialdia

2008ko irailaren 13tik 20ra
BERA (Nafarroa)
DONOSTIA (Gipuzkoa)
HAZPARNE (Lapurdi)

AMM (Eddie Prévost & John Tilbury)
CHARLES HAYWARD (ex-this heat, Massacre, Camberwell Now...)
JEAN-LUC GUIONNET
ENNIO COMO VIOLETA (tanto monta monta tanto)
XEDH
STÉPHANE GARIN
BIZARRA
"0"
OIER ETXEBERRIA
GORA JAPON
KOURGANE
"SONAR CIUDADES" FILM
"SUBSONICS" FILM

Bederatzigarren urtez jarraian, bertze musikek, sailkapenetatik ihes egin baino hauei garrantzirik ematen ez dieten musika horiek, berezko lekua izanen dute ERTZ jaialdian. Beti bezala belaunaldi, jatorri eta izaera aski desberdineko artistak bilduz, aurtengo egitarauari ezaugarri berezirik atera beharko bagenio, honek, zalantzarik gabe, INPROBISAZIOA izan behar luke. Inprobisazioa, ez soilik adierazpide estetiko edo artistiko modura, baizik lan metodo baliagarri eta beharrezko modura azpimarratzea da aurten jaialdia egiten dugunon helburua. Gure ustetan inprobisatzea ez baita erabakirik ez hartzeko irteera edo sahiesbide soila; sarrera oro, estimulu oro, ideia oro onartzeko jarrera baizik. Hartara, inprobisatzaile izan nahi dugu, eta inprobisatzen jarri nahi ditugu bai gonbidatuak baita entzuleak ere.

AMM taldea adibidez hortan eredugarria da, 40 urte baino gehiagoz biderik okertu gabe eta egindakoan sinistuz aurrera egin duen musika egitasmo historikoa baita. JEAN-LUC GUIONNET edo CHARLES HAYWARD, bata belaunaldi gazte bezain insteresgarri bateko partaide eta bigarrena 30 urtez 70. hamarkadako punk musikaren filosofia eraldatzen eta eguneratzen diharduen sortzaile nekaezina ere inprobisatzaileak dira beraien modura. Guionnet-ek kontzertu aretoaren ideia bera zalantzan jartzen du ez-ohiko espazioak erabiliz (adi bere emanaldiari!) eta Hayward-ek berriz musika taldearen ideia bera arriskuan jartzen du berak musika-tresna guztiak joz.
Hauez gain, Bera eta Elgoibarko BIZARRA bikoteak edo iparraldean sortutako 0 taldeak inprobisazioaren inguruan ideia eta ikuspegi desberdin gehiago eskainiko dituzte.
Berritasun modura, ERTZ jaialdia, hasieratik kokaleku izan duen BERA herrian egiteaz gain, hirugarren urtez DONOSTIAko ARTELEKU arte garaikideko zentruan ospatuko da eta lehen aldiz HAZPARNEko Ttattola gaztetxean, Eihartzea kultur etxearen laguntzaren bidez.

Aunitzetan inprobisazioa helmuga jakinik gabeko bidea dela entzun izan dugu, eta iritzi eztabaidagarri hori egia edo gezurra den jakin gabe (bidaiaren mapa norberak erabakitzen baitu), jaialdi hau antolatzen dugunontzat zilegi zaigu leiv-motiv modura.
Helmuga non dagoen ez jakiteak ez baitu bidea baldintzatzen, aberastu baizik.


+ INFO: www.arteleku.net/audiolab

>ERTZek gomendatzen du:

ENTZUNGOR: Soinuak eta Gu
-- Erakusketa --

2008ko uztailaren 3tik abuztuaren 3ra
CEA, Casa de la Dehesa de Olarizu . Vitoria-Gasteiz
Ingurugiro gaietarako ikastegia

“Ikusi, ukitu, dastatu, usaindu, entzun…zentzumenen bidez jasotzen eta sentitzen dugu gure ingurunea, eta
ingurune hori da gu garen bezala egiten gaituena ere. Entzumenaz, soinuaz, soinu inguruneaz…arituko gara hemen. Entzungor jarri diogu izena erakusketari, eta hain zuzen, galdera egin beharko genioke geure buruari, ez ote garen benetan entzungor; ez ote dugun benetan, ikusi gabe begiratu esan ohi den moduan, aditu gabe entzuten.”

Beste ekitaldiak:

uztailaren 3a osteguna 18,30
SONAR CIUDADES (Xabier Iriondo, 2007) filmearen aurkezpena

uztailaren 31a osteguna, 18,30
GAIZKA SARASOLAren kontzertu ibilaldia


+ INFO: http://www.arteleku.net/4.1/blog/audiolab/?p=1847

>ERTZek gomendatzen du:

GAIZKA SARASOLA & XABIER ERKIZIA: Ez naiz deusen jabe

Gaizka Sarasola eta Xabier Erkiziak osatu bikotearen bigarren diskak, “Ixuriak” (2004) lehen lanak egin bezala, euskal soinu tradizionalak eta elementu garaikideak nahasten ditu. Ia bere osotasunean espazio irekietan grabatutako lehen diska harekin abiatutako bidea jarraitzeko helburuarekin, bikotea
estudiotik aritu da konposizio lan aberats eta konplexuagoak jorratuz. Diska bakoitza eskuz egindako zurezko kutxa batean dator, kantuen hitzekin. Lan hau arto artian banatzailearen bidez lortu daiteke.

DOWNLOAD MP3


+ INFO: www.ertza.net/eusk/artistak/sarasola.html

>ERTZek gomendatzen du:

BORROKAN: Hitzez ulertezina dena omendu nahi nuke. Oraintxe!

Berako BORROKAN rock taldea bere lan berria aurkezten ari da euskal herrian zehar. Adi egon beraz kontzertuen datei. Bitartean gosea egiteko deskaragatu diska berriko "Sping" kantua.

DOWNLOAD MP3


+ INFO: www.ertza.net/eusk/artistak/borrokan.html